Bidebik, Basauriko Udaleko hirigintza eta etxebizitza elkarteak, herritarrei arreta emateko bulegoa lekualdatu du, zerbitzu hobea eskaintzeko

Irailaren 15etik aurrera kale berean egongo da, Agirre Lehendakariaren 61. zenbakian, orain arte zegoenetik metro batzuetara.
Bidebik, Basauriko Udaleko hirigintza eta etxebizitza elkarteak, arreta-bulegoa beste toki zabalago batera eraman du, basauriarrei zerbitzu hobea eskaini ahal izateko. Horrela, irailaren 15etik aurrera kale berean egongo da, Agirre Lehendakariaren 61. zenbakian, orain arte zegoenetik metro batzuetara.
Bulego berriak bikoiztu egiten du aurrekoaren espazioa, erabiltzaileei arreta erosoagoa emateko eta kudeaketen konfidentzialtasuna hobetzeko. Gainera, instalazioa optimizatu da eraginkortasun energetikoaren ikuspegitik, argiztapena eta klimatizazioa hobetuz.
Arreta ordutegia astelehenetik ostiralera 10:00etatik 14:00etara izango da, aldez aurretik hitzordua eskatuta.
2025 honetan, Bidebik 15 urte beteko ditu lanean, eta, besteak beste, honako eginkizun hauek bete ditu: babestutako etxebizitzak sustatzeko jarduera-esparruak garatzea, ETXEBIDE Etxebizitzaren Euskal Zerbitzua eta gure udalerrian etxebizitza pribatua alokatzeko ASAP bitartekotza-programa kudeatzea, eta etxebizitzak birgaitzeko laguntzei buruzko txostenak eta izapideak egitea. Urtero, batez beste, 2.000 arreta ematen dizkie herritarrei.
Hemen duzu bere jardueraren laburpena

Download attachments:

Make sure you enter all the required information, indicated by an asterisk (*). HTML code is not allowed.